25 Sep 2017 : Sylhet, Bangladesh :

সিলেট 7 September 2015 সাহিত্য-সংস্কৃতি  (পঠিত : 4083) 

নাগা মরিছ

নাগা মরিছ
     

নাজমুল ইসলাম মকবুল:

নাগা মরিছ কতো মজা
ঝাল লাগে ভাই খাইতে
তারার বুলে জান বারইযায়
নাগা মরিছ পাইতে।।
নাগা মরিছ খাইলে বুলে
মুখর মজা বাড়ে
দেখলে বুলে তারার বেশি
জিফরার পানি পড়ে।
তাইনরে কইদেইন নাগা আনিয়ো
বাড়িত আইতে।।
কালা নাগাত ঘরান বেশি
ঝালও লাগে বেশ
জিফরাত থুড়া লাগাইদিলে
মুখো লাগে টেস।
খাইবার লাগি লন্ডন নিবা
দেশো থাকি যাইতে।।
আদখানি বেটিনতে নাগা
বেশি ভালা পাইন
আনাইয়া বেশি করি
তারা ইতা খাইন।
নাজমুল বলে কমাই খাইবা
জানে চাইলে খাইতে।।