23 Jan 2018 : Sylhet, Bangladesh :

সিলেট 7 January 2015 সাহিত্য-সংস্কৃতি  (পঠিত : 4331) 

কিতা খবর ভালানি

কিতা খবর ভালানি
     

নাজমুল ইসলাম মকবুল-
কিতা খবর ভালানি ভাই বাড়ীর হখল ভালানি
ছিলট লইয়া দেশ বিদেশো আমরা করি ফুটানি
ভাই আমরা করি ফুটানি।
ছিলট আমার শাহজালাল আর শাহপরানর মাটি
ওলি আবদাল গউছ কুতুব আর জ্ঞানি গুণির ঘাটি
ছিলটর গ্যাস অনেক জেলায় মিটায় তাদের জালানি।
শিতালংশাহ দুরবীনশাহ আর হাসন রাধা রমন
আবদুল করিমসহ বাউল কবি লেখকগন
ছিলটর সু-নাম ছড়াইলা ইতা খবর রাখইননি।।
ছিলটর ওই প্রবাসীরা লন্ডন আমেরিকা
কষ্ট করি রুজি করিয়া দেশো পাঠাইন টেখা
কমলালেবু আনারস আর চায়ের খবর রাখইননি।।


Free Online Accounts Software